Халқаро шахмат федерацияси (FIDE) шахматчиларнинг 1 январь ҳолати учун янги рейтингини эълон қилди, дея хабар қилди "Olamsport" нашри.
Дунё шахматчиларининг янги рейтингида амалдаги жаҳон чемпиони норвегиялик Магнус Карлсен 2834 очко билан пешқадамликни сақлаб қолди. У рапид йўналиши рейтингида 2880 очко билан карвонбоши бўлиб турибди. Блицда ҳам айнан Карлсен 2965 очко билан пешқадам.
Ҳамюртимиз 17-жаҳон чемпиони Рустам Қосимжонов эса 2683 очко билан 60-ўринда қайд этилган. Ўзбекистонлик гроссмейстер рапид йўналиши рейтингида 2698 очко билан 53, блицда эса 2693 пункт билан 55-ўринни эгаллаб турибди.
