Бедаво дардга чалинган америкалик қиз ўлимидан бир неча соат илгари турмушга чиқишга улгурди, деб хабар берди Lenta.ru нашри.
Хезер Линдси деярли бир йил давомида кўкрак бези саратони билан курашди. Қаллиғи Девид Мошер 2016 йилнинг декабрь ойида Линдсига даҳшатли ташхис қўйилганда унинг қўлини сўраган эди. Қизнинг бедаво дардга чалинганига қарамай, Девид унга уйланиш фикридан қайтмади.
Уларнинг тўйи 2017 йилнинг 22 декабрь куни бўлиб ўтди. Келин сунъий нафас олдириш аппаратидан фойдаланаётганлиги туфайли тўй касалхонада бўлиб ўтди. Никоҳ тўйидан 18 соат ўтгач, Хезер оламдан ўтди. Дугонасининг сўзларига қараганда, Линдси қаллиғининг қатъиятлиги туфайли ўлимдан қўрқмаган.
