Ижтимоий тармоқларда балиқчиларнинг қўлидан уларнинг ўлжасини тортиб олишга ҳаракат қилаётган тулки акс этган видео тарқалди, деб хабар берди Vesti.ru нашри.
Мазкур роликни балиқчилардан бири видеога олиб, ижтимоий тармоқларга жойлаштирди. Видеоёзувда унинг муаллифи воқеа ўтган йилнинг декабрь ойида улар балиқ овига боришганда Олтой ўлкасида юз берганлигини маълум қилган.
Кадрда ёввойи ҳайвон одамлардан чўчимай, уларнинг ўлжасини тортиб олишга ҳаракат қилаётганлигини кўриш мумкин. Балиқчилардан бири тулки билан бироз тортишгач, битта балиқни унга ҳадя қилган. Тулки эса балиқни тишлаганча ўрмонга кириб кетган.
