АҚШнинг Нью-Йорк штатида жойлашган Рочестер шаҳрида яшовчи Бэт Верстит исмли қиз Вашингтондан парвозни амалга ошираётган самолёт бортида авиакомпания томонидан юз берган хатолик туфайли унинг ягона йўловчисига айланди, деб хабар берди Vesti.ru нашри.
Авиакомпания қиз парвоз қилиши лозим бўлган рейс, яъни йўловчи лайнерини адашиб, авиакомпания ходимларига хизмат кўрсатувчи лайнерга алмаштириб қўйди. Бироздан сўнг вакиллар хатоликни англаб, йўловчилар учун тезда бошқа лайнерни топишди. Аммо Бэт бундан бехабар қолди.
Шунинг учун ҳам қиз кутиш залида ёлғиз қолди. Оқибатда авиакомпания уни манзилига етказишга қарор қилиб, хизмат самолётига ўтқазишди. Бэт мазкур самолётнинг ягона йўловчисига айланди.
Вашингтонга етиб келган қиз парвоз жуда мароқли кечганлигини, барча супер қулайликлар мавжуд бўлганлигини маълум қилди. Унинг сўзларига қараганда, парвоз атиги бир соат давом этганлиги учун қиз ичимлик ва овқат сўрамаган.
