Ўзбекистон Республикаси Президентининг 2017 йил 29 декабрдаги қарорига кўра, «GM Uzbekistan»нинг енгил автомобиллари учун акциз солиқ ставкаси 5,4 баробарга камайтирилди.
Ҳужжатга биноан, 2018 йилдан бошлаб акциз солиқ ставкаси 5 фоизни ташкил этади.
Ўтган йилнинг бошида «GM Uzbekistan»нинг енгил автомобиллар учун солиқ ставкаси 29 фоизни ташкил этган эди. Сўнг 2017 йилнинг ёз мавсумида у 27 фоизга туширилганди.
Таъкидлаш жоизки, акциз солиғининг бундай камайиши «GM Uzbekistan» енгил автомобилларининг чакана нархларига ижобий таъсир кўрсатиши мумкин.
