Америкалик телебошловчи Опра Уинфри 2020 йилги сайловда АҚШ президентлигига номзодини қўйиши мумкинлиги маълум бўлди, деб хабар берди Iz.ru нашри.
CNN телеканалининг хабар беришича, бошловчининг яқинлари бир неча ойдан бери у билан сайловда иштирок этиш имкониятини муҳокама қилмоқда.
Уинфри «Олтин глобус» мукофотини топшириш маросимидаги чиқишида ҳам бунга шама қилган. Опра Уинфрининг вакили эса мазкур мавзуга изоҳ беришдан бош тортди.
Маълумот учун, Опра Уинфри 2017 йил охирида АҚШдаги «қўллаб-қувватланиш рейтинги»да биринчи учликка кирган эди.
