Фирибгарликда айбланган россиялик банкир, “Инвесторгбанк”нинг собиқ президенти, илгари қидирув эълон қилинган Владимир Гудков Монаконинг Ложувард соҳилида қўлга олинди, деб хабар берди lenta.ru нашри.
Тергов берган маълумотларга кўра, қўлга олинган банкир ипотека операциялари бўйича брокерлик хизматини кўрсатувчи ташкилотлар ва банклар билан олди-сотди шартномаларини тузган. Улар олдиндан банк ҳисоб рақамига 500 миллион рубль маблағ ўтказишган. Мазкур шартномаларни амалга ошириш давомида ноқонуний операциялар ўтказилган.
Айни пайтда қўлга олинган банкирни Россияга экстрадация қилиш масаласи кўриб чиқилмоқда.
