Буюк Британиялик патологоанатом бир жасаднинг миясини иккинчисининг қорнида қолдирди, деб хабар берди Gazeta.ru нашри.
2014-2016 йилларда Буюк Британияда патологоанатомларнинг ўз ишига совуққонлиги туфайли 300 га яқин бундай кўнгилсиз ҳодиса юз берди.
13 маротаба ўликхона ходимлари жасад уйига бериб юборилгандан кейин жасад ёрилганда қолиб кетган тана аъзоларини топишди. 36 маротаба жасадлар алмаштириб юборилган. 89 маротаба тасодифан жасадларга зиён етказилган. Буюк Британия ўликхоналарига бир йилда ўрта ҳисобда 330 минг жасад келтирилгани боис юқоридаги кўрсаткичлар улар учун жуда катта хато ҳисобланмайди.
