Киев аппелация суди мамлакат Бош прокуратурасининг шикоятини қониқтириб, Одесса вилоятининг собиқ губернатори Михаил Саакашвилига тунги соат 22.00 дан эрталабки соат 07.00 гача бўлган оралиққа уй қамоғини тайинлади, деб хабар берди lenta.ru нашри.
Бош прокуратура ўтган йилнинг декабрь ойида озодликда юрган сиёсатчини қамоққ олишни талаб қилган Киевнинг Печер туман судининг қарорини бекор қилди.
Саакашвили бу иш унинг мамлакат бўйлаб эркин ҳаракат қилмаслиги, Украина телеканалларининг кечки эфирида кўринмаслиги учун ўйлаб топилган, деб ҳисобламоқда. У Львов ва Винница шаҳарларига бориш режаси бўлганлигини таъкидлади.
Саакашвили 8 декабрь куни давлат тўнтаришини ташкил этишда айбланиб, қўлга олинган, аммо орадан уч кун ўтгач, қўйиб юборилган эди. Прокуратура сиёсатчини қамоққа олиш ҳақида илтимоснома киритган, бироқ суд унинг халқ депутатлигини инобатга олиб, озодликда қолдирган эди.
