Шаҳрисабз шаҳрида давлат шериклиги асосида ташкил этилган “Вундеркинд” (Билимдон болалар) номли хусусий мактабгача таълим муассасасининг ҳар бир қаватидан кичкинтойларнинг интеллектуал, эстетик ва жисмоний салоҳиятини ўстириш учун унумли фойдаланилган, деб ёзади ЎзА.
Инглиз тили ва компьютер билимларини чуқур ўргатишга ихтисослашган мазкур нодавлат боғчада мактабгача таълимда бола шахсини ривожлантиришга қўйиладиган давлат талабларининг асосий йўналишлари қамраб олинган.
