Кеча Хитойнинг Юньнань провинциясидаги Кунмин-Чучжоу шоссесида рўй берган оммавий йўл-транспорт ҳодисаси оқибатида 53 та автомобиль бир-бири билан тўқнашган, деб хабар берди Ria.ru нашри.
Мазкур йўл-транспорт ҳодисасининг рўй беришига ноқулай об-ҳаво шароити сабаб бўлган. Юньнань провициясида илгари ҳеч қачон ҳаво ҳарорати +6 даражадан пастга тушмаган, бироқ душанба куни ҳаво ҳарорати кескин равишда нолдан пастга тушиб кетган, ёмғир қорга айланган. Оқибатда йўллар музлаб, автомобиль бошқаришда қийинчиликлар юзага келган.
ЙТҲ оқибатида 3 киши турли даражадаги тан жароҳати билан касалхонага ётқизилган. Воқеа жойида ҳуқуқ-тартибот ходимлари ишлагани боис йўл ёпиб қўйилган. Йўл очилишини кутган ҳайдовчилар сув ва озиқ-овқат маҳсулотлари билан таъминланган.
