Москва шаҳрида яшовчи 42 ёшли аёл ваннада қувватлантиришга қўйилган телефонда селфи қилмоқчи бўлганда, ток уриши оқибатида ҳалок бўлди, деб хабар берди Tengrinews.kz нашри.
Нашрнинг хабар беришича, воқеа 7 февраль куни кечқурун юз берган. Қўли совун бўлган аёл қувватлантирувчи мосламага уланган телефонни сувли ваннага тушириб юборган. Аёлнинг ваннадан чиқмаганлигидан хавотирланган ўғли эшикни бузиб кирганда, аёл ванна ичида ҳушсиз ётган. Етиб келган тез ёрдам ходимлари аёлнинг ўлимини қайд этишган.
