Француз актёри Жерар Депардье Жазоирга кўчиб ўтиш нияти борлигини билдирди, дея ёзмоқда News.day.az нашри.
“Тез орада Жазоирга кўчиб ўтаман. Яшаш учун Жазоир (мамлакат пойтахти)ни танладим. Бу муҳташам мамлакат”, – деди актёр Марселда берган интервьюсида. Депардье Жазоир тарихи билан қизиқаётганини, бир замонлар бу мамлакат “жоҳил фаранглар” томонидан босиб олинганини айтиб ўтди.
Актер, шунингдек, ҳамма ердан оз-оздан яшаб кўрмоқчилигини айтди.
Депардье Россия ва Бельгия фуқаролигига ҳам эга. Актёр ўзини дунё фуқароси эканини бир неча марта таъкидлаган.
