Босқинчи 12 яшар қизчанинг телефонини юлқиб олиш учун уни ерга ағанатгани видеокузатув камерасига тушиб қолди, дея хабар бермоқда life.ru нашри.
Кадрларда жасур қизча ҳувиллаган кўчада ўзига ташланган жиноятчининг ҳамласини қайтаришга уринаётганини кўриш мумкин.
Воқеа Дербида юз берган. Мактаб ўқувчиси бўлган қизча онасининг топшириғи билан озиқ-овқат дўконидан қайтаётган эди. Қизчанинг айтишича, босқинчи европача лаҳжада гапирган, ёши 19 лар атрофида. Жиноятчини танийдиганлар бўлса, қидирувда ёрдам бериши учун полиция кузатув камерасига тушган видеони эълон қилди.
