АҚШнинг биринчи хоними Мелания Трампнинг ота-онаси яқин кунларда АҚШ фуқаролигини қабул қилишади, деб хабар берди lenta.ru нашри.
Бу ҳақда TheWashington Post газетаси Мелания Трампнинг ҳуқуқшуноси бўлган Майкл Уалдснинг хабарига таянган ҳолда маълумот берган.
Уалдснинг сўзларига қараганда, Оқ уй раҳбарининг қайнона-қайнотаси Виктор ва Амалия Кнавслар АҚШда қонуний равишда яшамоқдалар. Улар АҚШда “доимий яшаш ҳуқуқига эга бўлишган”.
Бироқ ҳуқуқшунос эр-хотиннинг қачон Словениядан АҚШга кўчиб ўтгани, қандай қилиб грин-картга эга бўлгани ҳақида лом-мим демаган. Нашрнинг хабар беришича, Меланиянинг ота-онаси АҚШ фуқаролигини олиш тадбирининг ўтказилишини кутишмоқда.
Америкалик ҳуқуқшунослар мамлакатга ноқонунийравишда кириб келаётган муҳожирлар сонини камайтириш масаласини кўтарганликлари боис, Дональд Трампнинг қайнона-қайнотаси нимага асосланиб мамлакат ҳудудида яшаётганлигига қизиқишган.
Мелания Трамп Югославия таркибида бўлган Словениянинг Ново-Место шаҳрида дунёга келган. У 1996 йилдан бери Нью-Йоркда истиқомат қилади. Мелания 2005 йилнинг январида Дональд Трампга турмушга чиққан ва орадан бир йил ўтгач, АҚШ фуқаролигини қабул қилган.
Трампнинг ўзи АҚШга ноқонуний равишда, қариндошлари ортидан кириб келаётган муҳожирларни танқид қилган эди.
