Американинг Флорида штатида мактаб ўқувчиларини портлатиш билан таҳдид қилган, қўлбола бомба сақлаган 16 ёшли ўсмир қўлга олинди, деб хабар берди Ria.ru нашри.
Бу ҳақда Броуард округи шерифи офисининг расмий сайти хабар берди.
Полициянинг маълумот беришича, онлайн ўйин ўйнаётган ўсмир 26 февраль куни портлатиш ҳақида қўрқинчли хабар берди.
Шундан кейин ўсмирнинг уйи тинтув қилинди, унинг яшаш жойидан қурол ва қўлбола бомба топилди. Воқеа жойига сапёрлар етиб келди. Ўсмирга нисбатан уйда ноқонуний равишда портловчи модда сақлаш айби қўйилди.
