“Tesla” компанияси буюртмачи мижозларга қуёш панелли том қопламаларини ўрнатишни бошлади. У ташқи кўринишидан оддий черепицадан фарқ қилмайди, дея хабар қилмоқда Кrovportal.ru нашри.
Пластиналарнинг мустаҳкамлиги махсус шиша ёрдамида аниқланган. Энергияни тўплаш учун панель комплектига Power Wall батареялари киритилган.
“Tesla” тақдим этаётган томларнинг квадрат метри мижозга 220 АҚШ долларига тушмоқда. Бу компания бераётган 30 йиллик кафолат билан қўшиб ҳисоблаганда жуда арзонлиги қайд этилмоқда.
