Япония тарихида биринчи бор ҳарбий денгиз флотини аёл офицер бошқарадиган бўлди. Биринчи ранг капитани Рёко Адзума мингга яқин аскарга бошчилик қилади.
Янги лавозимни топшириш маросими Йокосука денгиз-ҳарбий базасида ташкил этилди. Мамлакат ҳукумати шундай шарафли лавозимга аёл кишининг тайинланиши қуролли кучларда аёлларнинг сонини оширишга ёрдам беришига ишонмоқда. Ҳозирда аёллар япон армиясининг 6%ни ташкил қилмоқда.
44 ёшли Адзума Японияда Иккинчи жаҳон урушидан бери қурилган энг йирик ҳарбий кема – вертолёт ташувчи “Идзумо”га бошчилик қилади. У бир вақтнинг ўзида етти дона ҳарбий вертолетни ва 500 нафар аскарни сиғдира олади.
