Бугун Республика Адлия вазирлигида навбатдаги матбуот анжумани бўлиб ўтди. Унда қонунчиликдаги сўнгги янгиликларнинг мазмун-моҳияти хусусида ахборот берилди.
Жумладан, Жиноят ва Маъмурий жавобгарлик тўғрисидаги кодексларга Жисмоний ёки руҳий мажбурлаш ёхуд қўрқитиш бўйича алоҳида модда киритилди. Шу ўринда анжуман иштирокчиларининг эътиборимазкур Қонун билан Ўзбекистон Республикаси Оила кодексининг 99-моддасига киритилган ўзгартишларга қаратилди. Унга кўра, мазкур модда “Вояга етмаган болалар таъминоти учун алиментлар бола вояга етгунига қадар бўлган давр учун, шу жумладан кўчмас ёки кўчар мулк ёхуд бошқа қимматли ашёни бериш йўли билан олдиндан тўланиши мумкин” эканлиги тўғрисидаги қисм билан тўлдирилди.
