"Бунёдкор" жамоасининг тажрибали ярим ҳимоячиси Шоҳруҳ Гадоев "Кей-Лига 2" аъзоси бўлмиш "Тэджон Ситизен" клуби билан шартнома имзолади, дея хабар берди Сhampionat.asia.
Келишув "2+1" шаклида уч йилга мулжалланган.
26 ёшли чап қанот вингери тэджонликлар таркибида 30-рақам остида ўйнайдиган бўлди.
Кўпчиликнинг ёдида булса керак, "Тэджон Ситизен" жамоасининг уй аренаси - Daejeon World Cup Stadium ЖЧ-2002нинг бир нечта учрашувларини қабул қилган эди. Гуруҳ босқичидаги ЖАР - Испания 2:3, Польша - АҚШ 3:1 ҳамда жаҳон чемпионатлари тарихидан алоҳида ўрин олган 1/8 финалдаги Жанубий Корея - Италия 2:1 беллашувлари шулар жумласидандир.
