Австралиянинг Квисленд штатидаги Хейгсли шаҳридаги хонадонлардан бирига кириб қолган бўғма илон шиппакни ютиб юборди, деб хабар берди Lenta.ru нашри.
20 март куни уй эгаси резина шиппаклари йўқолганлигини сезди. У шиппакни каламушлар судраб кетган бўлса керак, деб ўйлади. Бироқ қорнида йўқолган шиппак сезилиб турган бўғма илонга кўзи тушди.
Чақирув асосида етиб келган мутахассислар бўғма илоннинг резина шиппак ютганлигини тасдиқлашди. Илон тутувчилар шиппакнинг ичига каламуш яширинганлиги боис, илон уни бутунлигича ютиб юборганлигини тахмин қилишди.
Бўғма илон Брисбен шаҳридаги ветеринария клиникасига олиб келиниб, рентгенга туширилди. Шифокорлар илонни операция қилишга қарор қилишди. У тузалгандан кейин яна табиат қўйнига қўйиб юборилади.
Бундай бўғма илонлар заҳарсиз бўлиб, уларни Австралия ва Янги Гвинеяда кўплаб учратиш мумкин.
