Ҳиндистоннинг Махараштра штатида калтак билан қуролланган 22 ёшли қиз эчкисини емоқчи бўлган йўлбарсга қарши ҳужумга ўтди, деб хабар қилди Lenta.ru нашри.
Рупали Мешрам эчкисининг нолали маърашини эшитиб, уйидан югариб чиқди ва уни судраб кетаётган йўлбарсга кўзи тушди. Йўлбарс эса эчкини қўйвориб, қизга ташланди. Рупали эса қўлидаги калтак билан йўлбарсга қарши ҳужумга ўтди.
“Қизимнинг қонга беланганини кўриб, унинг тирик қолишига ишонмадим”, деди Рупалининг онаси. Аёл қизига ёрдам беришга шошилди. У Рупалини судраб уйга олиб кирди ва эшикни бекитиб олди. Шундан кейин йўлбарс ҳужам қилганлиги ҳақида ўрмон хўжалигига қўнғироқ қилишди.
Ходимларнинг етиб келиши учун 30 дақиқа вақт керак бўлди. Бу пайтга қадар йўлбарс эчкини олиб кетишга улгурди. Рупали соғлик учун хавфли бўлмаган тан жароҳатларини олди. Шифокорларнинг айтишича, қизнинг омади чопиб, йўлбарс уни тишламабди.
