Elusor macrurus туридаги тошбақалар йўқ бўлиб кетиш арафасида, дея ёзмоқда Lenta.ru нашри.
Мазкур ўзига хос “панк-тошбақалар” судралиб юрувчилар оламидаги энг заиф жониворлар рўйхатининг 29-қаторидан жой олган.
Ушбу жониворларнинг айнан беозорлиги ҳам уларнинг йўқ бўлиб кетишаётганига сабаб бўлмоқда, чунки австралияликлар кўпинча бу тошбақаларни уй ҳайвони сифатида асраб олишади.
Бу тошбақалар фақат Австралиянинг Квинсленд штатидаги Мэри дарёсида яшашади. 40 сантиметрли ушбу судралиб юрувчиларнинг танасида ирокез ҳинду қабилаларининг соч турмагига ўхшаш сув ўтлари ўсади.
