Жанубий Корея полицияси апрел ойида чўкиб кетган “Севол” кемаси эгасининг турмуш ўртоғини қўлга олди. Бу ҳақда Ренхап агентлиги хабар бермоқда.
16 апрел куни ҳалокатга учраган кема бортида 476 нафар йўловчи бўлган. улардан 300 нафар ҳалок бўлган.
Аёл ўзининг Сеул шаҳри ташқарисидаги уйида қўлга олинган. Полиция 72 ёшли Квон Ён Чжа қочиб кетган миллиардер Ю Бен Инни топишга ёрдам берувчи маълумотларга эга деб ҳисобламоқда. Қочиб кетган миллиардер ҳақидаги маълумотга ҳукумат 500 минг АҚШ доллари мукофот пули ваъда қилмоқда.
Ю Бен Ин ўзига тегишли бўлмаган мулкни ўзлаштиришда ва солиқдан қочишда айбланмоқда.
Аввалроқ, “Севол” кемаси тегишли бўлган компания бош директори Ким Хан-Сики уларнинг эхтиётсизлиги туфайли кема ҳалокатга учрагани тўғрисидаги айбловни инкор қилган эди. Прокуратура эса “Чонхэчжин” компаниясини фойдани кўпайтириш мақсадида, меъёрдан ортиқ юк ортганликда айбламоқда.
Эслатиб ўтамиз, бортда 476 киши бўлган "Севол" йўловчи кемаси 16 апрел куни ҳалокатга учраган. Улардан 325 нафари Чежудо оролига саёҳатга отланган мактаб ўқувчилар эди. Сўнгги хабарларга кўра, 300 нафарга яқин киши ҳалок бўлган, яна ўнлаб кишилар бедарак йўқолган деб ҳисобланмоқда. Кема қулаши иши юзасидан 20 киши қўлга олинган. Шу қаторда, ҳалокатда омон қолган экипаж аъзолари ҳам. Улар йўловчилар ўлимидаги айбларини инкор этишмоқда.
Шунингдек, июнь ойи бошида Жанубий Корея президенти Пак Кин Хэ “Севол” йўловчи кемаси ҳалокати сабабли 7 нафар вазирни истеъфога чиқарган.
