Тожикистон маданият вазирлигининг кенгайтирилган йиғилишида, ўзбек ва тожик санъаткорлари иштирокидаги навбатдаги “Дўстлик кечаси” Тошкентда бўлиб ўтиши ҳақида гапирилди...
Бу ҳақда "Азия-Плюс" нашри хабар берган. Ўзбек ва тожик санъат усталарининг навбатдаги қўшма концерти Тожикистон президенти Эмомали Раҳмоннинг Ўзбекистонга давлат ташрифи давомида ўтказилади.
Эмомали Раҳмоннинг Ўзбекистонга давлат ташрифи санаси ҳозирча маълум эмас.
Эслатиб ўтамиз, Душанбедаги “Кўҳи Борбад” санъат саройида 9-март куни бўлиб ўтган “Дўстлик кечаси” концертида 250 нафардан ортиқ тожик, 100 нафар ўзбек санъаткори иштирок этганди.
