Шу йил июль ойидан бошлаб мамлакатимизда янги туғилган чақалоқлар учун замонавий “Ecola3000” маркасидаги инкубаторларни ишлаб чиқариш йўлга қўйилади, деб хабар бермоқда "Халқ сўзи" нашри.
“Соғлиқни сақлаш — TIHE-2018” Тошкент халқаро кўргазмасида “Foton Medical Quality” Ўзбекистон-Швейцария қўшма корхонаси ва Хитойнинг “BNG Medical” компанияси ўртасида шу бўйича меморандум имзоланди.
Инкубаторлар янги туғилган чақалоқ атрофидаги ҳарорат тебранишини мисли кўрилмаган паст даражагача, Цельсий бўйича -0,2 гача камайтириб берувчи PID-назорат тизими билан жиҳозланади.
Меморандум доирасида томонлар неонатология ва педиатрияда ишлатиладиган светотерапевтик ускуналарни биргаликда ишлаб чиқаришга келишиб олишди.
Мазкур лойиҳанинг умумий қиймати 3 миллион АҚШ долларига тенг. Қайд этилишича, ишлаб чиқариш жараёнининг бошланғич босқичда “BNG Medical” томонидан етказиб бериладиган технологик жиҳатдан мураккаб бутловчи қисмлар ва Ўзбекистонда маҳаллийлаштирилган тиббиёт қурилмаларидан фойдаланилади.
