АҚШ президенти Дональд Трамп Шимолий Корея етакчиси Ким Чен Ин билан Тайланд, Сингапур ёки Мўғилистонда, ёки Европадаги шаҳарлардан бирида учрашиши мумкин.
Бундан аввал Дональд Трамп баёнот бериб, Ким Чен Ин билан июнь ойи бошларига белгиланган учрашиш учун бешта шаҳар кўриб чиқилаётганини айтган эди. Сиёсатчилар КХДРнинг ядровий қуролсизланишини муҳокама қилмоқчи. “Bloomberg” манбасининг маълумотларига кўра, учрашув Прага, Варшава, Хельсинки, Стокгольм, Осло ёки Женева бўлиб ўтиши мумкин.
Бундан ташқари, Трамп маъмуриятининг таъкидлашича, учрашув Улан-Батор, Бангкок ёки Сингапурда ҳам ўтказилиши эҳтимоли бор. “Bloomberg”нинг ёзишича, музокораларнинг Жанубий ёки Шимолий Корея, шунингдек, Хитой ҳудудларида ўтиши бутунлай истеъсно қилинади.
Дональд Трамп март ойида Ким Чен Ин билан музокаралар ўтказиш нияти борлиги ҳақида баёнот берган эди. Американинг амалда бўлиб турган президентларидан бирортаси ҳам шимолий Корея раҳбарлари билан бирор марта бўлса-да учрашишмаган. Ҳозирча учрашувнинг аниқ санаси ва ўтадиган жойи аниқ эмас. Бундан аввал, яъни 18 апрель куни МРБ директори Майк Помпеонинг Ким Чен Ин билан Шимолий Корея ҳудудида махфий учрашгани ҳақида хабар тарқатилган эди.
