Америкалик актриса Натали Портман Genesis мукофотининг тақдирлаш маросимини йўққа чиқарди, дея хабар қилмоқда Lenta.ru нашри.
Портман Қуддус шаҳрига ташриф буюришни бекор қилди. Актрисанинг агентлари хабар беришича, у сўнгги пайтларда Исроилда юз берган воқеа-ҳодисалардан норози.
Натали Портман ўтган йили ноябрь ойида Genesis мукофоти лауреати дея эълон қилинган эди. Актриса бир миллион евро мукофотини хайрия ишларига сарфламоқчи бўлган эди.
