Шаҳзода Уильям байрам тадбири ўтказилаётган вақтда кўзлари юмилиб, уйқуга кетди, деб хабар берди lenta.ru нашри.
Уильямнинг ёнида укаси Гарри ва унинг қаллиғи Меган Маркллар бор эди. Мазкур видео Буюк Британияда нишонланган диний байрам вақтида суратга олинган.
Фойдаланувчилар дарров шаҳзода Уильямни ҳимоя қилиб, унинг бир неча кун илгари учинчи маротаба ота бўлганлигини, бу чарчаш учун сабаб бўла олишини мисол келтиришди.
Ўтган душанба — 23 апрель куни шаҳзода Уильямс ва рафиқаси Кембриж герцогиняси Кейтларнинг оиласида ўғил фарзанд дунёга келди. Қироллик оиласи янги туғилган чақалоққа Луи Артур Чарльз деб исм қўйди.
