Марказий Америкалик муҳожирлар карвони Мексика - АҚШ чегараларида қурилган деворлардан ошиб ўтишмоқда, деб хабар берди Lenta ru нашри.
Қочоқлар турли йўллар билан хусусан панжараларни бузиб чегарадан ўтиб кетишга уринишмоқда.
Ҳозирда Гондурас, Гватемала, Салвадоркаби мамлакатлар фуқароларидеворлардан ўтиб АҚШнинг Сан-Диего шаҳрига етиб келишган. Шунингдек, яна бир гуруҳ қочоқлар Мексиканинг Тихуана шаҳрига бошпана излаб келишгани хабар қилинмоқда. Маълумотларга қараганда , чегарадан ошиб ўтган муҳожирлар сони 400 нафардан ошиб кетган.
Барча муҳожирлар хуқуқларининг ҳурмат қилинишини талаб қилмоқда. Ҳозирда уларнинг кўпчилиги оғир аҳволда бўлиб, айримлари ҳозирда Лос-Анжелесга бошпана излаб кетишган.
Мексика ва АҚШ чегараларидан ноқонуний тарзда ўтаётган муҳожирлар карвони бир ойдан буён тингани йўқ. АҚШ президенти Дональд Трамп эса ушбу ҳолат юзасидан чораларни янада кучайтириш, мамлакат чегарасидан бирор киши ноқонуний тарзда ўтишига йўл қўймаслик кераклигини таъкидлаган.
Баъзи бир қочоқлар эса ҳукуматдан мамлакатга қолиш учун рухсат сўраган. Бироқ, ушбу илтимослари рад этилган ва муҳожирларнинг ҳаммаси ўз ватанига депортация қилинмоқда.
