Франциялик велопойгачи Франсуа Жисси реактив велосипедда дунё рекордини ўрнатишга ҳаракат қилган вақтда ҳалок бўлди, деб хабар берди lenta.ru нашри.
5 май куни соатига 400 километр йўл босиб ўтишни режалаштирган франциялик велопойгачи Франсуа Жисси бошқарувни йўқотиб, йўлдан чиқиб кетган.
Велопойгачининг Юқори Рейн департаментига қарашли учиш-қўниш йўлагидан пойга учун фойдаланишга рухсатномаси бўлмаган. Айни пайтда мазкур ҳодиса юзасидан суруштирув ишлари олиб борилмоқда.
2014 йилда Жисси реактив велосипедда соатига 333 километр йўл босиб, рекорд ўрнатган эди. Бу сафар у соатига 400 километр йўл босиб, янги дунё рекордини ўрнатишни режалаштирган эди.
