Бугун Тошкент вақти билан соат 19:08да Афғонистон ҳудудида зилзила кузатилди. Бу ҳақда Ўзбекистон ФВВ республика сейсмопрогноз мониторинг маркази хабар қилди.
Хабарда айтилишича, зилзила кучи 6 баллга тенг бўлиб, зилзила ўчоғи 200 километр чуқурликда жойлашган.
Ер силкиниши кучи Тошкент, Фарғона, Жиззах, Самарқанд, Қаршида 3 баллни, Термизда 4 баллни ташкил этган.
Жабрланганлар ва вайронагарликлар ҳақида маълумот келиб тушмаган.
Эслатиб ўтамиз, Ўзбекистон ҳудудида 9 май куни ҳам соат 15:41да кучи 3 баллга тенг ер қимирлаши сезилганди.
