АҚШда врачлар бир беморнинг қўлида янги қулоқ ўстиришди, дея хабар қилмоқда Lenta.ru нашри.
Пластик жарроҳлик Техас штати, Эль-Пасо шаҳридаги ҳарбий база қошидаги Уильям Бомонт тиббиёт марказида ўтказилди. Бемор қиз Шамика Барраж (Shamika Burrage) 2016 йили қулоқ супрасидан айрилган эди.
Докторлар Барражнинг қовурға соҳасидаги тўқималарни олишиб, ундан янги қулоқ ўстиришди. Кейин уни қизнинг билагига жойлаштиришди. Шу тарзда Шамика янги қулоғини бегона тана аъзосидай ҳис қилмайди.
