Рус классик адиблари мисли кўрилмаган даражада қалам ҳақи (ўша пайтда) олишган, дея ёзмоқда Рамблер нашри.
Хўш, ўз даврида “Анна Каренина”, “Евгений Онегин” эвазига нималарни сотиб олиш мумкин эди?
Михаил Лермонтов
Лермонтов ўзининг ўша машҳур “Замонамиз қаҳрамони” асарининг иккинчи нашри учун 1500 рубль қалам ҳақи олган. Бу ўша пайтда дворянлар оиласидан бўлган ёзувчисининг муносиб ҳаёт кечириши учун етарли бўлган.
Иван Тургенев
Ғарбда Тургеневни рус адабиёти ва драматургиясининг тарғиботчиси сифатида қадрлашган. Тургуневнинг оддий қалам ҳақи 4000 рубль атрофида бўлган. “Оталар ва болалар” учун Тургенев 4775 рубль қалам ҳақи олган.
Александр Пушкин
“Евгений Онегин”нинг тўлиқ нашри учун Лександр Пушкин 12 000 рубль ҳақ олган. Ўша даврда нуфузли уйларни йилига 2000 рубль ҳисобига бир йилга ижарага олса бўларди.
Лев Толстой
“Анна Каренина” учун Толстой 20 000 рубль тўлашган. Ўша пайтда Москвада уйлар 12 000 рубль турган.
Фёдор Достоевский
Замондошлари Достоевскийни ўз вақтида қадрига етишмаган. Вафотидан сўнггина у дунё аҳамиятидаги романнавис деб тан олинган, ҳаётлигида эса унинг оладиган қалам ҳақларининг чўғи паст бўлган. Толстой ва Пушкин билан солиштирганда монументал “Телба” учун бор-йўғи 7000 минг рубль тўланган.
