Тошкент шаҳар Юнусобод тумани 8-дахасида жойлашган 17, 18, 19 ва 20 сонли кўп қаватли уйлар орасида “Murad Buildings” компанияси томонидан 1,23 га ер майдонида кўп қаватли турар-жой қурилиши бошланиши бўйича ушбу худудда яшовчи аҳолидан Тошкент шаҳар ҳокимлигига мурожаат келиб тушди.
"Мурожаат Тошкент шаҳар ҳокими томонидан ўрганиб чиқилди. “Murad Buildings” компанияси раҳбари Мурод Назаров ушбу ҳолат бўйича Тошкент шаҳар ҳокими билан телефон орқали мулоқотидан сўнг, қурилиш ишларини тўхтатди ва шу ҳудудда яшовчи аҳоли эҳтиёжи учун зарур бўлган бинони ўз ҳисобидан қуриб беришга ва маҳалла фуқаролар йиғинига топширишга рози эканлигини билдирди", - дейилган ҳокимлик хабарида.
