Ўзбекистон Республикаси Президенти Шавкат Мирзёевнинг АҚШга расмий ташрифи доирасида Вашингтондаги савдо-иқтисодий ва сармоявий битимларни ўз ичига олган 40 дан зиёд ҳужжат имзоланди. Энг йирик шартномалардан бири саноатда қуёш энергетикаси лойиҳаларининг энг муваффақиятли ва йирик ишлаб чиқарувчилардан бири бўлган “Sky Power Global” компанияси билан имзоланди. Компания қуёш батареялари ишлаб чиқаришни ташкил этиш лойиҳасини амалга ошириш, шунингдек, Ўзбекистонда фото-электр станцияларини қуришни режалаштирмоқда. Лойиҳа 1000 МВт қувватга эга қуёш электростанцияларини ДХШ тамойиллари асосида қуришни кўзда тутади ва 1,3 миллиард АҚШ долларини ташкил этади.
“Sky Power Global” компанияси президенти Керри Алдер “Uzbekistan Today”га берган интервьюсида Ўзбекистонда лойиҳанинг ўзига хос хусусиятлари ва икки мамлакат ўртасидаги ҳамкорлик истиқболлари ҳақида гапириб берди:
– Ўзбекистон серқуёш мамлакат. Бу ерда йилига 340 қуёшли кун бўлади, ҳарорат ва иқлим бундай лойиҳани амалга ошириш учун айни муддаодир. Бизнинг фикримизча, қуёш энергиясидан фойдаланиш нафақат “юз фоиз инвестициялар”, балки яқин келажакда ўзини оқлайдиган сармоядир. Бугун Ўзбекистон жадал суръатлар билан ривожланмоқда, Президент Шавкат Мирзиёевнинг ислоҳотлари эса энергетика соҳасининг самарали ривожланишига туртки беради. Мамлакатингиз раҳбарининг Ўзбекистонда қуёш энергиясининг ривожланиши ҳақидаги аниқ тушунчаси ва тафаккурига эга эканлигини ҳамда “Sky Power” Ўзбекистон бозорига кириши билан у билан бирга бошқа ўнга яқин истиқболли компаниялар ҳам қўшилишига ишонаман. Мен буни жуда ажойиб деб биламан. Биз Ўзбекистонда янги технологияларни ишлаб чиқариш ва жорий этиш, иш ўринлари яратиш, мутахассислар тайёрлаш ва Ўзбекистонда иқтисодий аҳамиятга эга лойиҳаларни ривожлантиришга тайёрмиз.#UZBUSA2018
