Air Algerie авиакомпанияси Буркина-Фасо пойтахтидан учган самолёти билан алоқа йўқолгани ҳақида маълум қилди. Бу ҳақда “Франс Пресс” нашри хабар бермоқда.
“Ҳаво навигация хизмати пайшанба куни Уагадугудан Жазоирга учган самолёт билан алоқани йўқотди”,- дейилади авиакомпания баёнотида.
Хабар қилинишича, алоқа самолёт парвозга чиққандан 50 дақиқа ўтиб йўқолган.
“РИА Новости” хабар қилишича, радар экранларидан йўқолган самолёт бортида 112 нафар йўловчи бўлган.
