Колумбияда Президент сайловларининг 1-босқичи якунига етди, деб хабар берди Ren.tv нашри.
Жараёнлар натижасига кўра, икки номзод энг кўп овоз тўплаб кейинги босқичга ўтган.
Сайлов натижасига кўра, мутлоқ ғолиб аниқланмади. Шу сабабли 17 июн куни сайловларнинг 2-босқичи бўлиб ўтади. Биринчи босқич якунида икки кучли номзод Демократик марказ партиясидан Иван Дуке ва пойтахт Боготанинг собиқ мэри Густаво Петро бошқа рақибларига нисбатан кўп овоз тўплаган. Кузатувчиларнинг таъкидлашларича, ҳукумат Колумбия инқилобий қуролланган кучлари билан тузган тинчлик сулҳининг кейинги тақдири Колумбиянинг кейинги президенти ким бўлишига боғлиқ бўлади.
Дуке бир неча бор бу битим ўзгартирилиши кераклигини, жумладан, Колумбия инқилобий қуролланган кучлари КИҚКнинг собиқ аъзолари содир этган қонунбузарликлари учун жазоланишлари кераклигини айтган. Петро эса, аксинча, битимнинг сақланиб қолишини қўллаб-қувватлайди.
17 июн кун бўлиб ўтадиган иккинчи босқичдан сўнг улардан бири амалдаги Президент Хуан Мануэль Сантеснинг ўрнини эгаллайди. Иван Дуке агар мамлакат раҳбари этиб тайинланса, бизнес учун солиқларни камайтиришини ва иқтисодий ривожланишни қўллаб қуватлашини таъкидламоқда. Унинг рақиби Густав Педро эса камбағалларга ёрдам кўрсатиш мақсадида иқтисодий сиёсатни қайта кўриб чиқишга сўз бермоқда.
