Фаластинликларнинг “Буюк қайтиш марши”да икки ойдан бери кўнгилли сифатида ишлаб келган 21 ёшли ҳамшира Раззон Нажжор дафн этилди, дея ёзади "Аzon" нашри.
“Ёрдам фариштаси” номини олган Нажжор 1 июнь куни Ғазо сектори жанубидаги Хон Юнус шаҳрининг Исроил билан чегарасида яраланаган намойишчиларга кўмак кўрсатишга уринаётган пайт исроиллик снайперлар томонидан ўққа тутилди. У оқ халатда бўлган ва икки қўлини кўтарган кўйи ярадорлар томон кетаётган бўлган.
Раззон Нажжор оғир аҳволда касалхонага олиб борилди. Ўқ унинг кўксини тешиб, сиртидан чиққани маълум бўлди. Ҳамшира қиз касалхонада вафот этди.
Ҳамшира Нажжор аввалроқ “Анадўли” агентлигига берган интервьюсида норозилик намойишларидаги фаолияти ҳақида тўхталиб шундай деган эди: “Формам соф ва қадрли инсонларнинг қони билан бўялди. Мен бундан фахрланаман”.
