Иккинчи маротаба аёл киши Марказий Разведка Бошқармаси раҳбари ўринбосари этиб тайинланди, дея ёзади Newsweek нашри.
Исми ошкор қилинмаган, разведка бошқармаси ходими ташкилотнинг штаб-квартирасида раҳбар сифасида фаолият кўрсатган. Аммо, ҳеч қачон Яқин Шарқда бўлмаган. Айнан шу туфайли Афғонистон, Ироқ ва Покистонда хизмат қилган МРБ фахрийлари ўз норозиликларини билдиришмоқда.
“Бизга қийин шароитда ҳам мураккаб вазифаларни бажара оладиган одамлар керак. У эса ушбу ишларни қилмаган”,-дейди ташкилот ходимларидан бири.
1999 йил ташкилотнинг ишлаб чиқариш бўлими бошлиғи Жеймс Пэввитнинг ёрдамчиси этиб аёл киши тайинланганди. 2002 йил эса уни аксилтеррор бўлимига ўтказишган. Бошқарма ходимларидан бирининг сўзларига кўра, аёл ҳатто харитадан Афғонистонни топа олмаган.
Қолган ҳамкасблар эса аёлнинг мехнаткашлигини қайд этишмоқда.
Ҳозирда агентликнинг бир қатор юқори лавозимларида аёллар фаолият юритишмоқда. Масалан, бош юрист, штаб раҳбари, директор ўринбосари, директор ва разведка бошлиғи вазифасини вақтинча бажарувчи лавозимларини айнан аёллар эгаллаб турибди.
