Бугун, 12 июн куни Сингапурда АҚШ президенти Дональд Трамп ва КХДР етакчиси Ким Чен Ин ўртасидаги учрашув бошланди, деб хабар қилмоқда ABC.
Саммит Сингапурнинг қолган қисмидан кўприк билан ажратилган Сентос курорт оролда бўлиб ўтмоқда. Давлат раҳбарлари «Капелла» меҳмонхонасида учрашишди.
Трамп ва Ким Чен Ин ҳар икки давлат байроғи фонида, қизил йўлакчада узоқ вақт қўл сиқишиб туришган.
Дональд Трамп ва Ким Чен Ин музокаралар бошланишидан аввал журналистлар билан ҳам учрашишди.
Ким Чен Ин ушбу саммитни ташкиллаштириш йўлида кўплаб тўсиқлар пайдо бўлганини, аммо улар енгилганини алоҳида таъкидлаб ўтди.
— Мен катта шараф билан айтмоқчиман, бизнинг ўртамизда жуда яхши муносабатлар ўрнатилади, - деб айтди Трамп. Шунингдек, ҳар икки давлат етакчиларининг учрашувини жуда катта ютуқ, деб баҳолади.
