“Ўзтўқимачиликсаноат” уюшмаси таркибидаги 100дан ортиқ корхоналар, “Шарқ дизайн либослари” томонидан мактаб формаларининг 200 турдан ортиқ намуналари тақдим этилди.
Шу йилнинг март-май ойларида мактаб формаси намуналари Тошкент шаҳри Яккасарой туманидаги 91- ҳамда Сирдарё вилояти Сардоба туманидаги 4-мактабда тажриба-синовдан ўтказилди, деб ёзмоқда ЎзА.
Жараёнда ота-оналарга махсус сўровнома тарқатилиб, мактаб кийимлари(қизлар учун кофта, юбка, нимча ва костюм; ўғил болалар учун кўйлак, шим, нимча ва костюм каби)нинг ҳолати (қайси санада ювилгани, ювилгандан кейин матода кузатилган ўзгариш, материалнинг дазмолни қай даражада олиши) қайд этиб борилди.
