“Такси” фильми юлдузи Сами Насери полиция томонидан қўлга олинганидан сўнг, соғлиғи ёмонлашиб, шифохонага етказилди. Бу ҳақда AFP нашри хабар бермоқда.
“Унинг соғлиғини инобатда олиб, ҳибсга олиш чорасидан воз кечишга тўғри келди”,-дейди полиция ходими. Аммо, Насерининг қай аҳволда эканлиги айтилмаган.
Маълум бўлишича, актёр маст ҳолатда тартибсизлик уюштирган. Бунга қадар ҳам, актёр бир неча марта маст ҳолатда жанжал кўтаргани учун қўлга олинган.
