АҚШнинг Миссури Штатидаги Фергюсон шаҳрида бир неча кундан бери тартибсизликлар бўлиб ўтмоқда. Бу ҳақда Рейтер агентлиги хабар беради.
10 август куни полициячи дўкондан сигарета ўғирлаган 18 ёшли, қора танли ўсмир Майкл Браунни отиб ташлаган. Ушбу воқеа тартибсизликларни келтириб чиқарди.
Агентликнинг хабар қилишича, намойишларда 400 киши қатнашди, улар орасида аёл ва болалар ҳам бор. Воқеа жойига етиб келган ҳуқуқни муҳофаза қилиш орган ходимлари намойишчиларни тарқатиш учун кўзни ёшлантирадиган гранаталар ишлатишган. Маҳаллий ОАВларнинг хабар беришича, намойишчилар тажовузкорона ҳаракатлар амалга оширишмоқда.
Шанба куни Фергюсон шаҳрига Федерал қидирув бюросининг 40 нафар ходими келган. Улар ўсмирнинг ўлими бўйича тергов ишларини олиб боришади.
