Машхур футболчи Дэвид Бэкхемнинг рафиқаси Виктория Бекхэм The Outnet онлайн-дўкони ҳамда Christie's аукцион уйи билан ҳамкорликда ўзининг 600 дан ортиқ либосларини аукционга қўймоқда.
Аукцион шу йилнинг 20 августидан 25 августига қадар давом этади, деб ёзади Vogue.ua нашри.
“Барча кўйлакларимни кўздан кечирар эканман, кўплаб либосларимни кўриб, ҳаётимдаги Дэвид ва болалар билан боғлиқ бахтли кунларни эсладим. Либосларимнинг аксарияти айнан мен учун машхур дизайнерлар томонидан яратилган. Мен уларни завқ билан кийганман, ўйлайманки бундай завқни бошқалар ҳам ҳис қилиши керак. Шу сабабли уларни аукционга қўйдим” дейди Виктория.
