Тошкент шаҳар ҳокими вазифасини бажарувчи Ж.Ортиқхўжаев Тошкент шаҳар ёшлар марказида бўлиб ўтган ёшлар учрашувда бу ҳақда айтиб ўтди, ёзмоқда ЎзА.
У, аввало, пойтахтимиз ёшларини мамлакатимизда биринчи марта нишонланаётган байрам – Ёшлар куни билан чин қалбдан самимий табриклади. Шундан сўнг ёшлар билан самимий мулоқотга киришиб, уларнинг фикрлари, таклифлари, илтимосларини тинглади.
Ёшлар вакилларидан бирининг пойтахтда жойлашган бекатларда ёшлар кутубхонаси, wi-fi ҳудудлари ва бошқа имкониятларга эга кичик ёшлар маркази ташкил этиш лойиҳасини тинглар экан, шундай жавоб қайтарди.
– Буни бекатлардан бошқа ерда ташкил этсак мақсадга мувофиқ, чунки бекат транспортлар, автобуслар тўхташи учун. Кўпчилик «дўкон» қурмоқда натижада автомошиналар тўхтаб, жамоат транспортлари ҳаркатига халақит қилмоқда. Яқин кунларда бекатларда дўкон бўлмайди. Бекат бекатлигича қолади, – деди Тошкент шаҳар ҳокими вазифасини бажарувчи Ж.Ортиқхўжаев.
