Триполидан 60 км узоқликда кеманинг ҳалокатга учраши оқибатида 170 нафар муҳожирлар бедарак йўқолди. Бу ҳақда Agence France-Presse хабар бермоқда.
Тахтадан ясалган кема 22 август куни чўкиб кетган. Соҳиллардан бир неча километр узоқликда кема бўлаклари топилди. Соҳил қўтқарув хизмати 16 кишини қутқариб олди ва 15 кишининг жасадини топди. Ҳуқуқни муҳофаза қилиш органларининг маълумотига кўра, ҳалок бўлганларнинг миллати ҳали аниқланмаган.
