23 август, Украина давлат байроғи куни Украина президенти Пётр Порошенконинг ўғли Киевдаги черковларнинг бирида ҳушидан кетиб қолди.
Ҳушидан кетган Михаилни, уни ортида турган мамлакат собиқ президенти Виктор Юшенко ушлаб қолди. Воқеа акс этган видео Youtube видеохостингига жойланган.
Эслатиб ўтамиз, 7 июнь куни Украина президенти этиб сайланган Пётр Порошенконинг инаугурациясида президент полкининг аскарларидан бири йиқилиб тушганди.
Украина ОАВларининг хабар қилишича, ушбу воқеа туфайли президент полкининг 10 нафар аскари Украина шарқида давом этаётган харбий операцияларга юборилганди.
