Бортида 172 йўловчи бўлган Боинг 757 лайнери Twitter орқали келган “лайнерда бомба жойлаштирилган” деган хабардан сўнг зудлик билан қўнишга мажбур бўлди, деб ёзади bigmir.net нашри.
Хабар самолёт йўловчилар орасида кетаётган Sony Online Entertainment компанияси президенти Жон Смедлининг Twitter'даги аккаунтига келган.
Шошилинч равишда Аризона штатидаги Феникс аэропортига қўндирилган самолётдаги барча йўловчилар эвакауция қилинган.
Маълум бўлишича, хабар Lizard Squad номи остидаги хаккерлар томонидан юборилган.
