Бир неча кун олдин турли интернет нашрларида Британия герцогиняси Кейт Мидлтон қиролича Елизавета II билан жанжаллашиб қолгани, бунга сабаб эса кекса қироличанинг ёшлар ҳаётини доимий равишда назорат қилишга урунаётгани ҳақидаги хабарлар тарқалганди. Эндиликда интернет нашрларида герцогинья Кейт Мидлтоннинг расмий тадбирларда оиланинг расмий вакили сифатида иштирок этиши ҳақидаги маълумотлар тарқалди. Бу ҳақда tv.ua нашри хабар беради.
Шу йилнинг 20-21 сентябрида Мальтага бўладиган ташрифда герцогиня Британия қироллигини номидан қатнашади. Кейт бу борада тажрибага эга эмас. Барча тадбирларда у турмуш ўртоғи шаҳзода Уильям билан биргаликда қатнашган.
Кейтга бу вазифани шахсан қиролича Елизавета II ишониб топширган. Маълумотларга кўра, герцогиня Кейт Мидлтон ушбу тадбирга катта тайёргарлик кўрмоқда.
